നായരമ്പലം
ഗ്രാമ പഞ്ചായത്ത്

1️⃣ മലിനജലം പൊതുസ്ഥലങ്ങളിലേക്ക് ഒഴുക്കുന്നത് സംബന്ധിച്ച അറിയിപ്പ്

നായരമ്പലം ഗ്രാമപഞ്ചായത്ത് പരിധിയിൽ യാതൊരാളും ഏതെങ്കിലും സിങ്ക്, ചാല്‍, തൊഴുത്ത്, ഹോട്ടല്‍, റസ്റ്റോറന്റ്, വീട്, വ്യവസായ സ്ഥാപനം, ആശുപത്രി അല്ലെങ്കിൽ മറ്റ് സ്ഥാപനങ്ങളിൽ നിന്നുള്ള മലിനജലം പൊതു അഴുക്കുചാലുകൾ, റോഡുകൾ, തെരുവുകൾ, പൊതുസ്ഥലങ്ങൾ, ജലാശയങ്ങൾ അല്ലെങ്കിൽ ജലമാർഗ്ഗങ്ങൾ എന്നിവിടങ്ങളിലേക്ക് ഒഴുക്കുകയോ അതിന് അനുവദിക്കുകയോ ചെയ്യരുത്.

ഇപ്രകാരം ചെയ്യുന്നവർക്ക് കേരള പഞ്ചായത്ത് രാജ് നിയമം 219 കെ വകുപ്പ് പ്രകാരം ₹50,000 വരെ പിഴ ചുമത്തുന്നതാണ്.

നിർദ്ദേശം പാലിക്കാത്ത പക്ഷം പഞ്ചായത്ത് നേരിട്ട് ലംഘനം നീക്കം ചെയ്യുന്നതും അതിന് ചെലവാകുന്ന തുകയും ₹50,000 വരെ പിഴയും ബന്ധപ്പെട്ട വ്യക്തിയിൽ നിന്ന് ഈടാക്കുന്നതുമാണ്.

2️⃣ ജലാശയങ്ങളിലും പൊതുജലമാർഗ്ഗങ്ങളിലും മാലിന്യം നിക്ഷേപിക്കുന്നത് സംബന്ധിച്ച അറിയിപ്പ്

പൊതുജലമാർഗ്ഗങ്ങൾ, ജലാശയങ്ങൾ, ജലസ്രോതസ്സുകൾ എന്നിവിടങ്ങളിൽ മാലിന്യം, ചവറ്, വിസർജ്യവസ്തുക്കൾ നിക്ഷേപിക്കുകയോ, മലിനജലം ഒഴുക്കുകയോ, ജലം മലിനമാക്കുന്ന മറ്റ് പ്രവർത്തനങ്ങൾ നടത്തുകയോ ചെയ്യുന്നത് നിയമവിരുദ്ധമാണ്.

കേരള പഞ്ചായത്ത് രാജ് നിയമം 219 എസ് വകുപ്പ് പ്രകാരം ഈ കുറ്റം കോഗ്നൈസിബിളും ജാമ്യമില്ലാത്തതുമായ കുറ്റമാണ്. 

⚠️ പൊതുഅറിയിപ്പ്

ഈ വിഷയത്തിൽ ഇനി പ്രത്യേക അറിയിപ്പ് നൽകാതെ തന്നെ നിയമാനുസൃത നടപടികൾ സ്വീകരിക്കുന്നതാണ്.

അതിനാൽ എല്ലാ വ്യക്തികളും സ്ഥാപനങ്ങളും മേൽപ്പറഞ്ഞ ലംഘനങ്ങൾ ഉടൻ സ്വന്തം നിലയിൽ ഒഴിവാക്കുകയും, ഇത്തരത്തിലുള്ള നിയമലംഘനങ്ങളിൽ നിന്ന് പൂർണ്ണമായും വിട്ടുനിൽക്കുകയും ചെയ്യേണ്ടതാണ്.